منورين يا جماعة ده المولود الجديد.. رجالي مش معناه انه للرجاله بس.لا ده لكل الناس شباب و بنات وكبار و صغيرين.زي ماتعودنامن يمامة شارده وجميلة بتفضفض الصراحة و الوضوح والفضفضة واللباقة والزوق و الحرية.هيكون ده في مذكر سالم.. ده اسم مؤقت أخذ اصوات مش بطاله قبل مايظهر للنورشوفتوا الحرية.. حبينا يكون مختلف عن يمامة و جميلة ويارب يعجبكوا زي اخواته يمامة و جميلة..زوارهم هيكونوا زوارنا و حبايبهم هما حبايبنا.. و كمان مؤقتا بنعلن عن كتاب مذكر سالم: سوليد-احمد سيكو-لامبادا- احمد لوكش طبعا..و اي صديق لينا هنا مش شرط يكون شاعر او فنان عشان يكتب لو جواه حاجه و عرف يكتبها نحب نكون معاه.
ان شاءالله يلاقي النجاح اللي قابلناه في يمامة و جميلة..
41 comments:
ان هذا الاسم هو اول سلبية وجدتها في هذا البلوجر فلا معنى له ولا احساس يؤثر في قلوب الناس
فيجب ان يتم تغييره لانه في رايي نقطة سوداء بجانب جميلة بتفضفض ويمامة شاردة وللنظر الى كل اسم فنعرف مدى صحة ما قلت به
وساظل اكتب في جميلة الا ان يتم تغيير الاسم او لا يتم تغييره فابقي هناك الى النهاية
احمد سيكو
مبروك على الصفحة يا مذكر ياسالم بس ياريت تغيرو الاسم فعلا لانه مالوش معنى لا عاطفي ولا عقلانى ولا غيره وكله كوم واشياء اخرى اللى مع الاسم دى كوم تانى
عاشقة ضوء القمر
مبروك علي المولود الجديد وليا الشرف ان مع العودة نلاقي الحاجات الجميلة دي بعتزر علي التاخير بس انتوا عرفين الامتحانات بتعمل مود مش حلو خالص بس الحمد الله خلصت علي خير
بس يأحمد متنساش السبوع بتاع مذكر سالم عيزين سبوع يكسر الدنيا
بس بعيد عن الاسم الشكل جميل قوي
يوححي بالاكتاب بس بجد جاد جدا
الطائر الحزين
نشكرك علي مجهودك يا احمد
واكيد ارائنا دي مش بنلوم عليك لكن دا عشان نوصل بالصصفحة لشكل اجمل واجمل
وبما ان البنات بتحب ان الحاجة تبقي شكلها حلو
اولا لون الصفحة الاسود دا تحفة انت نقيت اكتر لون بعشقه
وواضح فيه كده شوية غموض جامدين
بس انا كنت عايزة اقولك ياريت تغير الصورة دي عشان مش ماشية مع الليلة
وعامة لو وقع في ايدي صورة ان شاء الله ابعتهالك والكلام للكل طبعا
ادعوا لاخوانا اللي عندهم اخر امتحان بكرة ان شاء الله الاربعاااااء
شكرا
براحه يا عم سيكو احنا بنجرب لسه في البث التجريبي يعني ماكنشي ليه لازمه الدخله دي انا لسه صغير علي الكلام ده.الاسم تركته انتم تحددوه وللأسف اختلفتم فيه و قولت يفضل انه يكون مختلف مش معتاد زي الأسماء اللي اتقالت و جمعت الاسامي و كمان ماحدش حدد. نقيت اسم اتكرر ولو 3 مرات ابدأ بيه لكن ماعجبشي حد فشيلته لحد ماتتفقوا علي حاجه الصفحه دي بتاعتكم انتم بس من الواضح انكم مش عارفين تنقوا ليها اسم حتي ياريت ناخد الموضوع جد شوية عشان ننفذ.لو عايزين طبعا.
الاسم جميله بتفضفض او يمامه شارده مش عاطفي ولا عقلاني زي مالناس بتقول الفكرة في اسم غير معتاد مش زي" قلوب حائرة -عاشق الحب-عبير الكلمات او عطر الكلمات او عطر الزهور" كل ده معتاد و متكرر في صفح كتير لناس تانيه انا مش بقول ان الاسماء دي وحشه لأ بس عايزين نبقي متميزين اسم وراه فكرة وراه موضوع لوحده.لو حد فكر في يمامة مثلا انكتب علي اختيار الأسم ده 3 مواضيع. جميله نفس الشيء وراه قصص و كلام.انا مابفرضشي اسم معين انتم اللي تختارواو تحددوا ولو شفتم الأسم واستقريتوا عليه انا عليا التنفيذ.انا مجرد عضو في الصفحه دي مش أكتر.و الاسم مش لازم يكون رومانسيو لا عاطفي لأن بالطبع المواضيع اللي تحت الأسم دي مش هتكون كلها حب و عشق احنا مواضعنا مش كلها كده فيها و فيها لأن تفكيرناوعقلنا مش كله حب و هيام و غرام ده جزء منه بس مش الكل.و ده أكيد في الحسبان واحنا بنقي الاسم و بعدين رأيي يعني ان الأسم مش بالمشكله الكبيرة كده.ناخد المواضيع ببساطة شوية الدنيا مش ناقصه كلاكيع.
ياريت نتفق شباب و بنات.
خلاص نشوف اسم كده زيييي مثلا
كلام جديد
يعني خدوه وحرفوه
او عايز افكر بشكل تاني
اي حاجة كده تكون بتعبر عن ان فكرنا مش معتاد
حد فاهمني
؟؟؟؟
هه ممكن يكون دا برضه اسم
مش تريقة والله
تشكر يااحمد على الصفحة الجديدة وفعلا الاسم مشس مشكلة متفهمش الناس غلط هما بس عايزين الافضل للجميع وفي اقترحات كتير الشباب بتقولها على الاسماء
وبماان لسة مفيش موضوع جديد انشر موضوعى علشان الحق ارد على الناس قبل مااغيب
ولاايه؟؟؟
انت عارف ام العروسة..............
شمس لا تغيب من حياتك ابدا
بقترح نبدا هنا التصويت على الاسماء من جديد
فايه الراى؟
عاشقة ضوء القمر
عايزين نستفتي تاني وانتخبات علي الأسم وماله بس يا ريت نبقي جد المرة دي ونعرف ناخد قرار مشعايزين نتعدي من المصرين و الحكومة ربنا يجعل كلامنا خفيف عليهم..
والاسم مشهفكر في القديم اللي اتقالو بقول"دماغي وانا حر فيها"
او "طول مابنتنفس في جديد
او "لسه الأماني ممكنه
عايز أقول اللي في نفسي
بنات افكاري
مش مهم الاسم المهم الفكرة..والاحساس
دي اقتراحاتي
وبرشح اخر عنوان لانه الافرب في التعبير عن الحالة اللي كلنا فيها
وبقول لكم
مش مهم الاسم المهم الفكرة
ايه رايكم ياجماعة يكون اسم هذا المولود الي تاعب الناس معاه يكون
همسات دافئة
ولحقوا سموها علشان نشوف عليها احلي الكلمات والاحاسيس والخبرات
الطائر الحزين
الطائر الحزين نورتى يا بنتى
وحشانا كلنا والبلوجر كان مضلم من غيرك
دعواتكم يا ناس المادة اللى فاضلة تعدى على خير
عاشقة ضوء القمر
ربنا معاكي يا ضي في الامتحانات وتعدي علي خير ان شاء الله
وبجد كلكم وحشتوني جدا والبلوجر منور باهلهومنور بالجميلات الموجودين
ايه ياجماعة هانخليها للسلامات والاهداءات وننسي ان المفروض نحدد العنوان ولا ايه؟؟
اللي بيحصل دا بيدل علي عدم اهتمام او احنا مش عارفين نشيل مسؤلية الصفحة والمكان اللي عايزينه عشان نعبر فيه عن نفسنا
ودا كلام ماينفعش طبعا
كل اللي بيكتبوا واللي مابيكتبوش طول عمركم كان نفسكم حد يسمعكم وتعبروا وتفضفضوا
واما جت الفرصة نمنا ولا ايه؟؟؟؟
وحشتوني ياولاد و بنات الأيه..عاملين ايه والدنيا و الحياة..ماتسموا الصفحه بدون عنوان ايه رأيكم؟
وحشتينا يا طائر انت كنت فين غيبة طوييييله.بس منورانا
كنت هقول كده يا دندن بس قولت لا يا واد يا لوكش لحد يزعل من كلامي بس كنت هحط شوية تحابيش تزعل بجد
واضح ان الكل بيخبط فيا انا
ليه كده يا جماعة في ايه؟انا مستنية لما تبداول التصويت علشان اختار حاجة لان سيكو اقترح نمد الفترة لاقتراح الاسماء وانا معنديش اسم في بالى علشان اقوله
ثم انا فعلا مش قادرة اكتب مش عارفة ليه بس يمكن من الامتحانات فبالراحة عليا وواحدة واحدة وبلاش كل ده ييجي مرة واحدة لاتجنن كده
ولا انا اتجننت خلاص فمش فارقة بقي
عاشقة ضوء القمر
هى الناس ماتت ولا ايه؟
اللى ما في تعليق لا هنا ولا هناك
ايه ده
طيب بردو هقول ادعولى علشان عندى امتحان بكرة ومع انى عارفة ان محدش هيدعيلي لان محدش هيشوفو بس مش مهم
عاشقة ضوء القمر
والحل ايه فيكوا الغي الصفحه و خلاص؟ مش عارفين تتفقوا علي اسم ياجماعه فيه ايه بس؟
انا لما قالولي جيت علي طول قلت اشوف النظام ايه يا رجاله فين الحماس واللا الأجازة بقي والانتخهو النوم..و الناس اللي هنا تخبط دماغها في الحيط. الناس اقترحت اسامي و سكتت طب ماتنقوا اختاروا القرار في ايدكوا تسبوه و تجروا..
انا بختار "دماغي وانا حر فيها"اللي قالت عليه جاسمين عاجبني لما نشوف الباقي هيقول ايه..
ياحمد انت بتكلم مين هنا؟اعتقد ان مفيش غيري بيجى اصلا لا بنات ولا ولاد
وبقي لي كتير بكتب ومحدش بيرد عليا
انا قربت ابطل ادخل البلوجر كله لانىباجى وكلنا على فكرة علشان نتكلم مع بعض لكا محدش بيجى يكلم نفسه
عاشقة ضوء القمر
حلو دماغى وانا حر فيها دى يعنى لما نشوف الباقي بس بجد لو محدش دخل يبقي مع الاعتذار للكل مش هدخل هنا تانى
ابداوا التصويت لو سمحتم كل واحد يختار اسم ويلا انجزو بقي
ايه الموت ده
عاشقة ضوء القمر
مش مهم الاسم المهم الفكرة
اسم مذكر سالم ده عجبني جدا على فكرة
من غير زعل يا ضي.ماجمعي انت 3 اسامي و نقترع عليهم من اللي ناس قالتهم مذكر سالم -لسه الأماني ممكنه-و كملي انت يا ضي.انت عنيفه شوية ممكن تسخني الناس انا غلبت فيهم كلام. عم سيكو دخل قال الكلمتين و مشي و سوليد نفس القصه ديب نقلل الأسامي بقيو نصفيهم و الا هنفضل نقول فيهم وبس ومش هنختار؟ هسيب الحكاية دي عليكي يا ضي القمر .علي فكر المواضيع في الصفحه هنا فيه جاهز منها و مستعد للنشر بمجرد الاتفاق علي اسم.
بص ياحمد انا هختار شوية اسماء من اللى الناس قالو عليهم وهم يومين فرصة للي هنا لو محدش اختار يبقي اختار انت بقي سواء الاسم اللى نادر قاله وانا وافقت عليه او اى واحد تانى ومحدش يرجع يزعل بقي ويقول انا مش عجبنى ده ومبحبش ده ومش لاقي معنى لده
مذكر سالم
لسا الامانى ممكنة
عطر الكلمات
دماغى وانا حر فيها
بنات افكارى
يعنى ممكن دى الاسماء اللى افتكرتها او على الاصح اللى شفتها في الصفحة هنا
وياريت نحصر الاسماء فيهم مش للتحكم بس منها لتفرق الاتجاهات تانى
النهاردة السبت اخر حاجة بقي ان شاء الله الاتنين وياحمد يوم التلات ان شاء الله تحط اسم الصفحة الجديد والموضوع الاول في نفس اليوم
وبكرر تانى محدش يزعل بقي ويقول الاسم مش عاجبنى وكده
وايه يالوكش حكاية عنيفة دى ؟بعدين الناس تفكرنى بعض ولا حاجة
لا يا جماعة انا طيبة ومش بعض
انا بس بحدف طوب ودبش
عاشقة ضوء القمر
انا لسه عند كلامي يا ضي القمر و سوليد ساعد الي حد ما ..
انا ببدأ واقول: مذكر سالم
غيره مستنينن الباقي اول صوت لمذكر سالم عايزين نشوف الترشيحات للأسامي الموجوده في تعليق عاشقة ضي القمر باقي من الزمن يوم و نص..
جاية اسلم و اقول دماغي وانا حر فيها و مذكر سالم
و بنناشد بعدم التزوير في النتيجه و اللا سنلجأ للقضاء
امراءة تقول الذي لا يقال صوت لمذكر سالم..غيره
"بنات افكاري" مع ان الصفحه رجاله بس "وراكوا وراكوا مافيش فايده فينا..صباح حلو و خلاص
نادر ماتنسوش معلق و قايل علي "دماغي وانا حر فيها"
يا جاسمين
عمرك سمعتى ان حد بيدي صوتين لاتنين مرشحين في مجلس الشعب
اختارى واحد الله يخليكى واحد بس
وبعدين احنا الاتنخابات بتاعتنا تحت الاشراف القضائى يعنى مفيش تزوير وكلها شفافية ههههههههههههههههه
انا بختار دماغى وانا حر فيها
عاشقة ضوء القمر
لحد دلوقتى 2 مذكر سالم
2 دماغى وانا حر فيها
1 بنات افكارى
يا جاسمين اوعى تنسي تختارى اسم من الاتنين اللى انتي قولتيهم لان انا لسا محسبتش صوتك وتتاخريييييييش
عاشقة ضوء القمر
بصراحة وطالما عايزين اسم جديد يبقي دماغى وانا حر فيها
احمد سيكو
بصراحة في حاجة ملاحظها من الناس اللي عارفاني
ملاحظ اني كتير اتكلمت واقترحت وقلت وحطيت مواعيد للاتفاق علي الصفحة الجديدة لكن لا حياة لمن تنادي
ةكل دة موجود في اخر موضوع عند دندن باعتبار ان اخر موضوع هو دايمابيكون مثار للالتقاء
هل كلامي اصبح غير مرغوب فيه؟
مش عارف
حتي انا اول مرة اتخلي عن اسلوبي
في المرة دي
لو كان الامر كدة يبقي مفيش مشكلة
لكن انا بعتز بكل من رأيت وعرفت واتمني للصفحة الجديدة كل توفيق واعتقد اني هلاقي مكان قلبي يرتاح فيه حتي لو كان اوراقي الخاصة
لكني لا انسي اني رجعت تاني للكتابة في البلوجر دة واكيد هدخل واكتب تعليقاتي علي كل الكلام الحلو من الناس الجميلة اللي هنا
احمد سيـــــــــــــــــكو
اسمحولي ابدأ ردي من اخر ر مكتوب وهو كلام سيكو
سيكو اولا وبعيدا عن اللي يعرفك او مايعرفكش
عايزة اقولك ان اكيد عدم الرد ما كانش حركة مقصودة بس معلش التمس العذر اللي كانوا لسة في امتحانات او لسة مخلص يعني
لكن اوعي تفتكر ان عدم الرد كان عشان غير مرغوب في الكلام لالالا ابدا اياك تقول كده
وبعدين ياسيكو اسمحلي اقولك انك فعلا من الشخصيات المحترمة اللي اثرت في البلوجر وكلامك اثر في الكل
وحقيقة انا واحدة من الناس كنت بستني تعليقاتك وكلامك
سيكو بجد ما تزعلش ولا تتخلي عن اسلوبك ولا كتاباتك الحلوة
وبعدين انك تقول ان البلوجر دا رجعك للكتابة دا شيء حلو جدا
مش عارفة اقول ايه تاني
ارشح
دماغي وانا حر فيها
2 مذكر سالم
4 دماغى وانا حر فيها
1 بنات افكارى
شدو يا جماعة يلا
عاشقة ضوء القمر
دماغى وانا حر فيها
سوليد
سيكو احنا منقدرش نستغني عنك ولا عن كلامك منقدرش دانت من مؤسسسي جميله طبعا مع احترامي واعتزازي لجميع الاعضاء المؤسسين جميله ويمامه والصفحه الجديده متقدرش تستغني عنا او عن الاب الرواحي والراعي الرسمي للبلوجر تيتا
وحشتوني كلكم واسفه عن الغياب والتاخير
ترشيحي لدماغي وانا حر فيها
2 مذكر سالم
6 دماغى وانا حر فيها
1 بنات افكرى
اعتقد ان النتيجة باينة بس يمكن حد يقول غير كده لو اختارو بالليل بقي
متنساش ياحمد الموضوع الجديد هينزل بكرة التلات ان شاء الله
جاسمين بردو مجتش مع انى قلتلها متتاخرش
ما علينا كده شغال بردو بس كنت نفسي ان الكل يختار
عاشقة ضوء القمر
Post a Comment