ده كان احد ردود سوليد علي سيراج و سوزي..
سئمت منك يا حب فكم انك متعب
فى قرب الحبيب وفى بعده تعذب
فى صفاه وفى جفاه تأنب
الا اجد لك وضع يسعد
ولكن لى سؤال سأنقل
والقيه على سمع من يشهد
اينام الحبيب وحبيبه يتالم؟
ويسعد فى نومه ويستسلم
فقدت الرد فطلبته عند متعلم
ذاق كاس الحب فما انا بذائقه
فمن وجد الرد رجاء يبلغه
سئمت منك يا حب فكم انك متعب
فى قرب الحبيب وفى بعده تعذب
فى صفاه وفى جفاه تأنب
الا اجد لك وضع يسعد
ولكن لى سؤال سأنقل
والقيه على سمع من يشهد
اينام الحبيب وحبيبه يتالم؟
ويسعد فى نومه ويستسلم
فقدت الرد فطلبته عند متعلم
ذاق كاس الحب فما انا بذائقه
فمن وجد الرد رجاء يبلغه
16 comments:
ده انت دماغ يا لوكش
كويس انى عرفت صدفه انك هتنشره عشان اجى اعلق على موضوعى او على تعليقى بمعنى اصح
وكمان يا عم ما كنت تاجل نشر المواضيع لبكره كل الناس النهارده عندها فرح ومحدتش فاضى
انا كنت كاتبه تقريبا فى موضوع لدندن وكان ايام _ربنا ما يرجعها_ايام الامتحانات
وهومكانش ليه علاقه بالموضوع خالص
بس هو كان ليه علاقه بموقف حصل مع سوزى وفعلا مكنتش عارف اعمل ايه فلقيت نفسى جيت هنا وكتبت الكلمات دى
صحيح الحمد لله الموقف اتصلح فى يومها بس ده ميمنعش ان السؤال ده ما زال فى خاطرى ولا اجد له اجابه
اينام الحبيب وحبيبه يتالم؟؟!!
بس ده كل اللى عندى
اسمحولى تانى اقول الف الف مبروك لاميره وربنا يتمم بخير ويرزقك بالذريه الصالحه وحياه سعيده فى الدنيا وجوار المصطفى فى الاخره
وانت كمان يا نادر وربنا يكمللك على خير
اللهم امين
انني ارحب بك يا سوليد بكلمات القليلة المعبرة فعلا
وان كان لي تعليق علي ما كتبت فانه يكون علي جملة واحدة
اينام الحبيب وحبيبه يتألم؟؟؟
والواقع ان الحبيب ان نام وحبيبه يتألم فان الوصف لا ينطبق عليه لان الحبيب هو من يشعر بالم حبيبه يداوي جرحه ولا يتركه يوما لاي سبب
احييك علي هذه الجملة وانها لتساؤل يجب ان يطرحه كل من يدعي انه حبيب علي نفسه وليعرف كل واحد مكانه من هذا الوصف
حتى لو الحبيب نامت جفونه عمر ما قلبه واحساسه ينام
عمر ما احساسه بان حبيبه بيتالم يخلى احساسه يغفل للحظة واحدة
ويمكن الكلام احساسه عالى كده لانه واقعى وحصل في موقف بينك وبين سوزى
عاشقة ضوء القمر
تحية لاخونا سوليد
ومنور طبعا هنا
ان شعرت يوما بالضيق من الحب
او شعرت بان حبيبتك اصبحت لاتسبب لك شيئا سوي الضيق
فاعلم انه ليس حب
حتي لو شعرت يوما انه حب
الان ظهر واتضح انه وهم
ازاي بس ياناس حبيب ينام وحبيبه بيتألم؟؟؟؟؟؟
تحياتي ليك يا
soly sevee
كلماتك فعلا جميلة وكمان الاسلوب
طبعا انا معرفش دا كان رد علي ايه لاني لسة من اهل التدوين الجدد
ولم اتشرف بزيارة مدونتكم الا مؤخرا
في ردي علي كلامك اسمحلي اتفق مع
saiko
انه طالما قدر ينام اذن ينفي عنه انه حبيب
لان الحب وكلمة حبيب مش صفة تقال زي طويل وقصير
لا دي صفة عشان الانسان يحملها ويتسمي بيها لازم يكون قدها
عارف حق حبيبه عليه
عارف يعني ابه الحب
ازاي اصلا يقدر يعيش متهني وحبيبه حتي موجوع بالم بسيط
يااااااه
هو فيه ناس بتشوه الحب كده
معلش لو طولت عليكم
بس علي فكرة انت اديتني كده افكار لموضوعات ممكن ان شاء الله اكتبها وننزلها في مدونتنا تغريد الياسمين
ومنتظرين زيارتك ياسوليد
تغريد الياسمين
عايزة اكون اول حد يقول للاهلى مبروووووووووووووووووووووووووووووووووووك
كان ماتش فظيع ومعلش للزمالكوية اللى هنا ولو انى معرفش مين اهلاوى ومين زملكاوى
مبروك للكل
عاشقة ضوء القمر
بيب بيب اهلي
اخواتى الحلوين دندن وياسمين
والبنت الشقيه العاشقه الاهلويه
ولوكش اللى نشر ومعداش عليا
وسيكو باشا مجهول الهويه
مبرووووووووووووووووك لكل الاهلاويه وبلاش عياط يازمالكويه
اقلكم بالمناسبه حاجه تضحككم فى على الاقل تلاته من اللى هنا مشتركين فى نادى الزمالك
يلا خيرها فى غيرها ومن غير عياط بقى
هههههههههههههه
ياسمين شرف كبير ليا زيارتك هنا ووعد منى برد الزياره وتبادلها دائما ان شاء الله بس اوعى تكونى زمالكويه
سيكو باشا شكرا على ترحيبك بيا يا مان
العاشقه لغايه دلوقتى رايك عكس كل اللى هنا حيرتينى برايك
دندن هااااااه الفرح سمعت انه كان جامد
شكرا جدا على تحيتك ورايك فيه كلام كتير بس استنى عليا
لوكش يعنى نشرت ورحت فين ولما الغسيل يتسرق نعمل ايه ساعتها
ولا انت لسه نايم من ساعه الفرح
انا مستنى بقيه الاراء واى حد عنده اى معلومه او ملحوظه بلاش يبخل بيها عليا
بس عاوز اضيف حاجه جديده متهيالى ممكن تفرق فى ارائكم
لو الحبيب ده مكانش عارف ان حبيبه يتالم لكن فى نظر الحبيب المتالم الحبيب ده كان مفروض يكون عارف
وجهات نظر بقى
بس تعملو ايه فعلا فى الحاله دى؟؟!!
ياريت حد ينورنى اكيد فى يوم هتحتاجو نصحتى برضو والناس لبعضيها
ولا ايه يا دندن
وصباحو اهلى ياجماعه
وبيب بيب اهلى
موضوع ان الحبيب فاكر انه حبيبه حاسس باللي فيه و العكس و كده ده مش بتحصل في العادي يعني بس شوفتها في حبايب كتير..بس مش قاعده يعني هو الواحد هيشم علي ضهر ايدهو بتسبب الحكايه دي في مشاكل كتير..مانا لو علي بالك كنت افتكرتني حسيت بيا بس انت تلاقيك مشغول لحد تاني مانت لو بتسأل..و حاجات من دي و مع نشفان الدماغ بتولع الدنيا..الأمور تتاخد ببساطه شوية عشان الدنيا ماتولعشي..تعبان قوله انا تعبان ونفسي ارتاح واشوفك يا قمري..و حاجات من دي.تلطف الجو
لو لم اكن اهلاويا لوددت ان اكون اهلاويا.مع الاهلي مش هتقدر تغمض عنيك.هو ده الفرق بين الاهلي والزمالك الاهلي يموت نفسه عشان يكسب وأول مالزمالك اتغلب نام و دلدل واستسلم..
روح الفانله.مش ناس دمها ابيض زي الصراصير..بس جماهير الزمالك فرحانه بفريقها و بيقولوا لعبوا حلو واحنا مضيعين 1/2 دسته اهداف و خرجوا مغلوبين.. احنا لما اتغلبنا من الزمالك والاسماعيلي اخر ماتش سقفنا لفرقتنا عشان عارفين ظروفهم و معترفين بيها و عارفين اننا صعب نكسب.لكن دول... مافيش دم خالص..ياللا كل سنه وانتم طيبين كلها 10 ايام و السوبر و ورونا هتعملوا ايه مش يمكن ربنا ياخد بيدهم ويعملوا حاجه..
ايه ده؟ بكره نفسي لما الاقي الناس ماتت كده.اصحو يا بشر
عاشقة ضوء القمر
لو هنقول المفروض و مش المفروض بين اتنين بيحبوا بعض المشاكل هتكتر و النفسيات و كده ناخدها ببساطه بنية كويسه زي مابيقولوا عشان حياتنا تمشي و تستمر من غير عقد او غيره..
لا ياجاسمين بس اكيد فيه حاجات نقول عليها اساسيات
ويالوكاش لو هايقولوا مش بنشم علي ضهر ايدنا يبقي دي ناس دماغها مش مظبوطة
امال فين الاحساس
الاحسااااااااس
للأسف الرد علي سؤالك اها
أصل الحبيب اللي يسيب حبيبه يتألم لأي سبب حتي لو داري السبب ده في الظروف, تفتكر ايه اللي يمنعه انه ينام وحبيبه بيتألم
أكيد يعني هيكون النوم عنده أغلي من ألم حبيبه
ومتابعة لموضوعك ياسولي
ياسمينا اخدت جملة منك وكتبت عليها من كلماتها
عشان كده ياريت نشوفك وكا اهل البلوجر عندنا ونسمع الاراء ونكمل النقاش
بكلام ياسمينة اللي بيرد علي كلماتك الحلوة فعلا
كل دا في
تغريد الياسمين
انا اسف جدا على التاخير ده كله
بس اهى جت بمصلحه ياسمينا نزلت بموضوع كامل من جمله اينام الحبيب وحبيبه يتالم؟
اختلفت الاراء
لوكش وجاسمين والعاشقه فى كفه
ودندن وسيكو وياسمين فى كفه
انابصراحه محتار فعلا
انا عن نفسى باخد بالراى التانى
بس لازم برضو يكون فى حاجات كده تتعدى يعنى ياما الدنيا هتفضل مولعه على طول
وبصراحه تصويرها رائع
انا قريت اللى اتكتب هناك قبل ما ارد هنا
ياسمين قدرت توفق فعلا بنسبه كبيره بين الرايين ووصلنا لراى وسط
نوم العين وان كان القلب مستيقظ
انا معاكى يا ياسمين انتى والعاشقه فى النقطه دى
بس معلش يعنى هو الحبيب المجروج هيعرف ازاى اذا كان شايف عنيكى نايمه ولا هو كمان بيشم على ضهر ايده
بصراحه الموضوع مش واضح وفيه لخبطيكا
Post a Comment